AZCON Holding-in nümayəndə heyəti BƏƏ-nin Əbu-Dabi İnkişaf Holdinq Şirkətinin nümayəndə heyəti ilə görüş keçirib

AZCON Holding-in icraçı direktoru Şahin Babayevin rəhbərlik etdiyi nümayəndə heyəti Birləşmiş Ərəb Əmirliklərinin (BƏƏ) investisiya naziri, Əbu-Dabi İnkişaf Holdinq Şirkətinin (ADQ) idarəedici və baş icraçı direktoru cənab Məhəmməd Həsən Əl Suveydinin rəhbərlik etdiyi nümayəndə heyəti ilə görüş keçirib.

Görüş zamanı infrastruktur, nəqliyyat və kommunikasiya sektorlarında ölkəmizlə əməkdaşlıq perspektivləri nəzərdən keçirilib, xüsusilə bazarların qarşılıqlı əlaqəliliyini gücləndirən və dayanıqlı inkişafı dəstəkləmək məqsədilə daha möhkəm investisiya ekosisteminin formalaşdırılmasına yönəlmiş təşəbbüslərə diqqət yetirilib.

Həmçinin birgə layihələrin səmərəliliyi artıra biləcəyi, regional əlaqəliliyi gücləndirə biləcəyi və hər iki tərəf üçün uzunmüddətli dəyər yarada biləcək potensial istiqamətlərin müəyyən edilməsi diqqət mərkəzində olub.